ukraina rusiyening taktikiliq muweppeqiyetke érishkenlikini étirap qildi
pirézidént zélénskiy yekshenbe küni (12-may) widéo tarqitip, rusiye armiyesi jüme küni(11-may)keng kölemlik hujum qozghighan xarkiwning bezi jaylirida«mudapie xaraktérlik toqunushlar» ning, donétskta shiddetlik toqunushlarning dawamlishiwatqanliqini bildürdi.
türkiye awazi radiyosi xewiri: ukraina pirézidénti wolodimir zélénskiy rusiye armiyesi xarkiw rayonida qozghighan keng kölemlik hujum üstide toxtilip: «külreng rayondin shiddetlik toqunushqa aylanghan yézilar bar. ishghalchilar bezi jaylarda ahailer rayonigha hujum qilishqa urundi, bezi jaylardin ilgirilesh üchün paydilinwatidu» dédi.
u donétsk rayonidiki weziyetning keskinlikini bildürüp, rusiye ishghalchi küchlirining qoligha ötken awdéwkaning gherbiy shimaligha jaylashqan pokrowski yönilishide yéqinqi 24 saet ichide 30 qétim shiddetlik toqunushning yüz bergenlikini qeyt qildi.
ukraina armiyesi xarkiwdiki weziyetning nahayiti qiyin we özgirishchan ikenlikini, chégra sheher wolchanskni qolgha chüshürüsh üchün shiddetlik étishishlarning yüz bériwatqanliqini élan qildi.
bayanatta, rusiye armiyesining aldinqi septe taktikiliq muweppeqiyetke érishkenlikini eskertti.
rusiye dölet mudapie ministirliqimu xarkiw rayonida nurghun ahaliler rayonining qolgha kirgüzülgenlikini élan qildi.
