ataqliq kino artisi sén konnériy wapat boldi

türkiye awazi radiyosi xewiri: jamis bond filimining ishligüchisi «EON» filim shirkiti, 90 yashliq alemshumul shöhretke ige shotlandiyelik kino artisi konnériyning wapat bolghanliqini élan qildi.

ataqliq cholpanning ölüm sewebi heqqide téxiche héchqandaq melumat bérilmidi. uning oghli jeyson konnériy dadisining salametliki nacharlashqandin kéyin, bahamada kéchide uyquda wapat bolghanliqini éytti.

konnériy tunji bolup kino ékranida jamis bond rolini alghan we «jamis bond» yürüshlük filimlirining eng dangliq artisi bolup tonulghan idi.

péshqedem artis konnériy 1988-yili «The Untouchables» «tégishmesler» filimidiki érlandiye saqchi roli bilen oskar mukapatigha érishken idi.

konnéry «jamis bond» yürüshlük filimlirining «jamés bond 007» roli bilen xatirilerde chungqur orun alghan bolup, «Indiana Jones and the Last Crusade» «indiana jonés we eng axirqi ehli selipler», «Highlander» «égizlik», we «The Hunt for Red October» «qizil öktebir owi» qatarliq filimlerde muhim rollarni alghan idi.

2000 - yilida engiliye ayal padishahi élizabét teripidin «xiristiyan jengchisi» élan qilinghan we  «sör» unwani bérilgen bolup, u 8-ayda 90 yashqa kirgen idi.