pakistanda ashiq – meshuqlar bayrimi resmiy meniy qilindi
ashiq–meshuqlar bayrimining xelqni milliy kimlikidin yatlishishqa sörewatqanliqi bildürüldi.
türkiye awazi radiyosi xewiri: bügün 14 – féwral xelqaraliq ashiq–meshuqlar bayrimi. biraq, pakistanning paytexti islamabadta ashiq–meshuqlar bayrimining islam kültürining bir parchisi emesliki sewebidin ammiwi sorunlarda her xil paaliyetler bilen tebriklesh meni qilindi.
islamabad yuqiri sot mehkimisi teripidin chiqirilghan qararnamide dölet organliri we xelqqe ochuq ammiwi soronlarda ashiq–meshuqlar bayrimi paaliyetlirining cheklinidighanliqi bildürüldi.
sot mehkimisining bu qararni maqullishigha, xelqning ashiq–meshuqlar bayrimigha qarshi imza toplash seperwerliki bashlap, toplanghan imzalarni mehkimige yollighanliqining asasliq türtke bolghanliqi bildürüldi.
islamabad yuqiri sot mehkimisining qararnamiside yene, ashiq–meshuqlar bayrimini axbaratlarda teshwiq qilishqa we xewer qilishqa bolmaydighanliqimu tekitlendi.
«dawn géziti» imza toplash seperwerliki bashlighanlarning «ashiq–meshuqlar bayrimi ishqi–muhebbetning yamrap kétishige, exlaqsizliq, yalingachliq we hayasizliqlarning omumlishishigha seweb bolmaqta» dégen qarashlirini ilgiri sürgenlikini xewer qildi.
pakistandiki diniy guruppilar, yéqinqi 10 yildin buyan pakistanning nurghun sheherliride ashiq–meshuqlar bayrimi paaliyetlirini ötküzüsh ewjige chiqqanliqining xelqni milliy kimlikidin yatlishishqa sörewatqanliqini éytti.
bu yéngi belgilimining dukan we réstoratlargha tesir körsitelmeydighanliqi, islamabadta tunji qétim yürgüzülidighanliqi bildürüldi.
bu yéngi belgilime pakistan pirézidénti memnun huseyinning ashiq–meshuqlar bayrimidin uzaq turush kéreklikini tilgha élishi hemde buni pakistan kültürining emes, belki gherb kültürining bir parchisi ikenlikini tekitlishidin saq bir yil kéyin ishqa ashqan boldi.
aldinqi yili pakistanning gherbiy shimaligha jaylashqan kohat shehiri hökümet mesulliri ashiq–meshuqlar bayrimini tebriklesh kartlirini we her xil hediyelik mehsulatlirining sétilishini chekligen idi.
pishawur shehiridimu yerlik hökümet ashiq–meshuqlar bayrimi paaliyetlirini chekligen idi. biraq, her ikki sheherde kishilerning cheklimilerge riaye qilmighanliqi bildürülgen idi.
