реналт гуруһиниң хизмәтчилири исйан қилди
фирансийәниң ғәрбий шимал қисмиға җайлашқан моғбийан (Morbihan) районида реналт аптомобил гуруһи (Renault Group) завутиниң хизмәчилири, завутни қоршавға елип башқурғучиларни гөрүгә еливалди.
түркийә авази радийоси хәвири: әң чоң пейи дөләткә тәвә болған реналт аптомобил гуруһи моғбийан райониға қарашлиқ гудун (Caudan) шәһиридики завутини сетишни қарар қилди. завутниң тәхминән 350 хизмәтчиси вә уларниң аилилири завут сетилғанда ишсиз қалидиғанлиқлирини сәвәб көрситип, сетиш қарариға қарши чиқти вә завутниң дәрвазилирини тақап, завут башқурғучилирини гөрүгә еливалди.
ишчилар уйушмилириниң рәһбәрлири тәләпләргә қанаәтлинәрлик җаваб берилмигичә һечкимниң қойуп берилмәйдиғанлиқини билдүрди.
реналт аптомобил гуруһи бу һәқтә байанат елан қилип, завут хизмәтчилириниң һәрикитини вә йәттә башқурғучини гөрүгә еливалғанлиқини әйиблиди.
байанатта, завут қоршавини балдуррақ әмәлдин қалдуруш вә завут башқурғучилирини қойуп бериш чақириқ қилинди вә завут сетилғанда ишчиларниң хизмитини давамлаштуруп, ишсиз қалмаслиқиға капаләтлик қилидиған херидар издиливатқанлиқи қәйт қилинди.
реналт аптомобил гуруһи март (2021) ейиниң ахирида теҗәш пиланиниң бир қисми сүпитидә завут сетиш қарарини елан қилған иди.
фирансийә иқтисад, әмгәк вә санаәт министирлиқлири билән ширкәт вәкиллириниң түнүгүнки (2021-йили 27-апрел) йиғинида, ишчиларниң хизмитини қоғдаш үчүн қутқузуш фонди қурулидиғанлиқи елан қилинған иди.
завут ишчилири болса, бу фондниң өзлирини қайтидин синипқа айрип, иштин чиқириш пилани икәнликини илгири сүрмәктә.
مۇناسىۋەتلىك خەۋەرلەر
шимшәк: йәршари мәбләғ салғучилири түркийәниң иқтисадий пиланиға ишиниду
министир мәһмәт шимшәк америка қошма иштатлиридики зийарити һәққидә TRT гә байанат бәрди.
