türkiye gérmaniye dairiliridin p k k ning paaliyetlirige qarshi kesin tedbir qollinishni telep qildi

türkiye awazi radiyosi xewiri: türkiyening bérlinda turushluq bash elchisi ehmet bashar shen gérmaniye tashqi ishlar ministirliqidiki kesipdashliri bilen körüshüp, gérmaniyening bölgünchi térrorluq teshkilatining teshwiqat, eza toplash we maliye menbesini hel qilish qatarliq paaliyetlirini keskin bir terep qilish yolida qedem tashlishini telep qildi.

bash elchi shen bölgünchi térrorluq teshkilati terepdarlirining yéqinqi bir nechche kündin buyan ewj éliwatqan zorawanliqlirining endishe peyda qilghanliqini tekitlep, türkiyening diplomatik orunliri we bölgünchi térrorluq teshkilatining zerbe obyékti bolush éhtimali bolghan organliri etrapidiki bixeterlik tedbirlirining kücheytilishi kéreklikini eskertti.

bölgünchi teshkilat terepdari bir guruppa kishi aldinqi küni kechte türkiyening xannowérdiki konsulxanisigha qattiq jisimlarni étip, binaning eyneklirini chéqip tashlashqa urunghanidi.