türkiye israiliyege naraziliq bildürdi

türkiye awazi radiyosi xewiri: türkiye jumhuriyiti tashqi ishlar ministirliqining «israiliye tashqi ishlar ministirining jumhur reisimiz rejep tayyip erdoghangha hujum qilghan uchuri ehmiyetsiz we sewiyesiz» dégen ibarilerge orun bérilgen bayanatida, jumhur reis erdoghanning ghezzediki qirghinchiliqni ochuq-ashkara halda eynen otturigha qoyghanliqi qeyt qilindi.

bayanatta, türkiyening israiliyening pelestin xelqige séliwatqan zulumlirini qorqmastin yuqiri awazda otturigha qoyushni dawamlashturidighanliqi tekitlendi.

muawin jumhur reis jewdet yilmazmu israiliye tashqi ishlar ministirining uchurigha bolghan naraziliqini «heqiqet zalimlarning qabahetlik chüshi» dégen sözliri bilen ipadilidi we yisraél katézning jumhur reis erdoghangha qaratqan nomussizlarche sözlirining qimmitining yoqluqini eskertti.

u sözini dawamlashturup, israiliye bash ministiri bényamin nétanyahu hökümitining bu pozitsiyesining pelestinliklerge yürgüzüwatqan irqiy qirghinchiliq jinayitini yoshurup qalalmaydighanliqini bildürdi.

israiliye tashqi ishlar ministirining uchurigha edliye ministiri yilmaz tunch we adalet we tereqqiyat partiyesi bayanatchisi ömer chelik qatarliqlarmu naraziliq bildürüp, türkiyening meydanining israiliyeni biaram qilghanliqini ilgiri sürdi.