türkiyening b d t diki yéngi daimiy bash elchisi süriye weziyiti toghrisida toxtaldi

türkiye awazi radiyosi xewiri: ehmet yildiz türkiyening  b d t da turushluq daimiy wekillik wezipisini tapshurup alghandin kéyinki tunji nutuqini b d t xewpsizlik kéngishide ötküzülgen süriye yighinida sözlidi.

u toqunush 14-yiligha qedem qoyghan süriyediki nazuk weziyetke sel qarashqa bolmaydighanliqini tekitlep: «toqunushning bixeterlik, iqtisadiy we insanperwerlik teepliri bir gewde halitide nacharliship méngiwatidu, uning üstige ümid nurimu körünmeywatidu» dédi.

yildiz weziyetning rayondiki xeterlik weziyetning küchiyishi bilen téximu murekkepliship ketkenlikini, süriyening ottura sherqtiki bashqa toqunushlarning urush meydani qilip ishlitishke qorqunchluq derijide mas kélidighan halgha chüshüp qghlanliqini éytti.

her qaysi tereplerning téximu keng toqunushlarni keltürüp chiqiridighan qedemlerni tashlashtin özini qachurushining muhimliqini otturigha qoyghan yildiz: «süriyeni bu xeterlik ottin yiraqlashturush tolimu muhim» dédi.

bash elchi yildiz süriye toqunushini hel qilish üchün, b d t xewpsizlik kéngishining 2254-nomurluq qarari dairiside siyasiy musapini janlanduridighan peytning yétip kelgenlikini, süriyediki toqunushni axirlashturushning birdinbir yolining, tonuqushlarning négizidiki asasliq seweblerni otturigha qoyush arqiliq milliy yarishishni qolgha keltürüsh jeryanini bésip ötidighanliqini tekitlidi.

u p k k / y p g / s d g térrorluq teshkilatining süriyening sherqiy shimalida bölgünchilik heriketlirini we bölgünchilik küntertipini ilgiri sürüshke tirishiwatqanliqigha isharet qilip: «biz yene bir qétim tekrarlaymizki, p k k / y p g we bölgünchi térrorchi küntertipning süriyening kelgüside orni yoq» dégenlerni qeyt qildi.