erdoghan qazaqistan bash ministirini békténowni qobul qildi
jumhur reis rejep tayyip erdoghan israiliye hökümitining özining siyasiy kelgüsini qoghdap qélish üchün toqunushni pütkül rayongha kéngeytishke tirishiwatqanliqini otturigha qoydi.
türkiye awazi radiyosi xewiri: jumhur reis rejep tayyip erdoghan paytext enqerede ziyarette boluwatqan qazaqistan bash ministiri oljas békténowni qobul qildi.
türkiye jumhuriyiti jumhur reislik mehkimisi uchur – alaqe ishliri idarisi bayanat élan qilip, jumhur reis erdoghan bilen bash ministir bekténowning paytext enqerede körüshüp, türkiye-qazaqistan munasiwiti, rayon we dunyawi mesililer, israiliyening ghezzege qaratqan hujumliri werayonning nöwettiki weziyiti toghrisida sözleshkenlikini bildürdi.
bayanatta körsitilishiche, jumhur reis erdoghan israiliye hökümitining özining siyasiy kelgüsini qoghdap qélish üchün toqunushni pütkül rayongha kéngeytishke tirishiwatqanliqini, nöwettiki muhim ishning derhal we menggülük urush toxtitishqa kapaletlik qilish ikenlikini, türk döletliri teshkilatining ghezzediki puqralargha insanperwerlik yardimi yetküzüp bérish mesiliside téximu etrapliq hemkarlishalaydighanliqini bildürgen.
erdoghan yene qazaqistan bilen bolghan mudapie sanaiti, térrorluqqa qarshi turush, iqtisad we bashqa sahelerdiki munasiwetni tereqqiy qildurushning muhimliqini tekitligen.
