erdoghan diyarbakirda türkiyening térrorizmgha qarshi kürishi toghrisida toxtaldi
jumhur reis rejep tayyip erdoghanning bölgünchi térrorluq teshkilati — p k k ni dölet chégraliri ichide midirliyalmaydighan, heriket qilalmaydighan halgha keltürgenliklirini éytti.
türkiye awazi radiyosi xewiri: jumhur reis, qoshumche adalet we tereqqiyat partiyesi reisi rejep tayyip erdoghan, partiyesining diyarbakir chong yighilishidiki sözi jeryanida, türkiyening térrorizmgha qarshi kürishi toghrisidimu toxtaldi.
«milliy menpeetimizni qoghdash jeryanida kimning quyruqigha dessep qoysaq, ular derhal p k k gha yüzlinidu. biz yene daésh namliq émpiryalistlarning qonchiqighimu aram bermeywatimiz» dégen erdoghan, özlirining p k k ni dölet chégrliri ichide midirliyalmaydighan, heriket qilalmaydighan halgha chüshürgenliklirini tekitlidi.
erdoghan sözini dawamlashturup: «biz chégralirimizning sirtinimu qedemmuqedem kontrol qiliwatimiz. emma bu xalighan hemme terepning ularni (térrorluq teshkilatini) dölitimiz we xelqimizge qarshi qoral süpitide ishliteleydighan pichka ikenliki réalliqini özgertelmeydu. etrapimizdiki nurghun döletler qan we ot yalqunliri ichide puchuliniwatqan bir pyette, biz bixeterlikimiz, tinchliqimiz, bext-saaditimiz, muqimliqimiz we güllinishimizge buzghunchiliq qilmaqchi bolghanlargha boyun égip turmiduq, turmaymiz» dégenlerni qeyt qildi.
