türkiye chili awam palatasining «irqiy qirghinchiliq» qararigha naraziliq bildürdi
türkiye chili awam palatasining 1915-yildiki weqelerni «irqiy qirghinchiliq» dep étirap qilghan qararining küchke ige emeslikini otturigha qoydi.
2132057
türkiye awazi radiyosi xewiri: türkiye jumhuriyiti diplomatiye ministirliqi yazma bayanat élan qilip, parlaméntlarning tarixini sherhlesh we uningdin yekün chiqirish hoquqi yoqluqini tekitlidi we dawamlashturup: «chili awam palatasi teripidin tünügün qobul qilinghan 1915-yilidiki weqelerni <irqiy qirghinchiliq> dep étirap qilish qarari küchke ige emes» dégenlerni qeyt qildi.
bu qararning irqiy qirghinchiliq jinayitining sadir qilinip-qilinmighanliqigha hoquqluq sot mehkimisila höküm qilalaydighanliqini mezmun qilghan 1948-yilidiki birleshken döletler teshkilati (b d t) irqiy qirghinchiliqning aldini élish we jazalash ehdinamisigimu zit ikenliki tekitlendi.
