türkiye amérikani agahlandurdi

türkiye awazi radiyosi xewiri: türkiye jumhuriyiti tashqi ishlar ministirliqi bayanatchisi tanju bilgich, türkiye taratqulirining amérika qoshma ishtatlirining yerlik belgilimilirige riaye qilghinidek, «amérika awazi» ning türkche we merkizi gérmaniyediki «gérmaniye awazi» türkche tor béketliriningmu türkiyening belgilimilirige hörmet qilishi kéreklikini eskertti, hemde türkiye radiyo – téléwiziye aliy kéngishining, «amérika awazi» ning türkche we merkizi gérmaniyediki «gérmaniye awazi» türkche tor béketlirige qoyulghan cheklimini tenqid qilghan amérika qoshma ishtatliri tashqi ishlar ministirliqi bayanatchisi néd praysgha jawab berdi.

bilgich, ammiwi ortaqlishish tor béti Twitter sehipiside, bu heqte élan qilghan bayanatida, néd praysning uchurini neqil keltürüp mundaq dédi: «démokratiyege kirish söz derside mundaq déyilidu: pikir erkinliki démokratiye üchün zörürdur, shundaqla, qanun bilen idare qilishmu zörürdur. pikir erkinlikige yol qoyush we ishlarni qalaymiqanlashturuwetmeslik üchün belgilimiler bardur. türkiye taratquliri amérika qoshma ishtatlirining yerlik belgilimilirige riaye qilghinidek, <amérika awazi> ning türkche we merkizi gérmaniyediki <gérmaniye awazi> türkche tor béketlirimu türkiyening belgilimilirige hörmet qilishi kérek.»

türkiye radiyo – téléwiziye aliy kéngishi, aldinqi ayda, ijazetnamisi bolmighanliqi üchün, «amérika awazi» ning türkche we merkizi gérmaniyediki «gérmaniye awazi» türkche tor béketlirige cheklime qoyghanidi.