erdoghan ennehyanning wapati munasiwiti bilen ebu zebige teziye ziyaritige bardi
jumhur reis rejep tayyip erdoghan ereb birleshme xelipilikining sabiq emiri sheyx xelife bin zayid ennehyanning wapati munasiwiti bilen teziye ziyaritide bolush üchün ebuzebige yétip bardi.
türkiye awazi radiyosi xewiri: jumhur reis erdoghan, ebu zebide, ereb birleshme xelipiliki dölet bashliqi we ebu zebi emiri sheyx muhemmed bin zayid ennehyan bilen bir yerge jem boldi.
ereb birleshme xelipilikining sabiq dölet bashliqi sheyx xelife bin zayid ennehyan ötken jüme küni wapat bolghanidi.
jumhur reis erdoghan, ebu zebi emiri sheyx muhemmed bin zayid ennehyan bilen téléfonda körüshüp, teziye bildürgenidi.
teziye ziyaritide bolush üchün ereb birleshme xelipilikige yétip barghan jumhur reis erdoghanni, ebu zebi xelqara ayrodurumida, ereb birleshme xelipilikining yéngi dölet bashliqi muhemmed bin zayid ennehyan qarshi aldi.
erdoghan, ayrodurumda bir yerge jem bolghan ennehyangha, sabiq dölet bashliqi sheyx xelife bin zayid ennehyanning wapati munasiwiti bilen teziye tileklirini bildürdi.
jumhur reis erdoghan, kéyinche muhemmed bin zayid ennehyan bilen ayrim körüshti.
