erdoghan: tilimizni qoghdash kürishimiz milliy kürishimizning asasidur
jumhur reis rejep tayyip erdoghan türk tilini qoghdash we téximu béyitish kürishining eslide milliy küreshning asasiy ikenlikini éytti.
türkiye awazi radiyosi xewiri: jumhur reis erdoghan, jumhur reislik mehkimisi yighin zalida ötküzülgen «yunus emre yili ün – sin axbarat wasitilirida türk tilini pasahetlik hem toghra shekilde ishitishke kapaletlik qilghuchilarni mukapatlash murasimi» gha qatnashti, hemde bu yerde qilghan sözide, eslide her bir tilning özige xas éstétika bilen yoghurulghan bir shéir ikenlikini tekitlep mundaq dédi: «shek – shübhisizki, öz tilimiz bolghan türkchiiz mislisiz alahidilikke ige. chünki türkche bizning ana tilimizdur, ata mirasimizdur, istiqbalimizning kapalitidur, türkchening her bir sözi bizge nisbeten intayin qimmetlik göherge oxshaydu. öz tilini qoghdap qalalmighan bir milletning, haman bir küni étiqadinimu öz ichige alghan qimmetliridin bir – birlep ayrilip qélip, halaketke yüzlinishi muqerrerdur. derweqe, tilimizni qoghdiyalmay turup, millitimizning kélechikige ishench bilen nezer tashliyalishimiz mumkin emes. tilimizni qoghdash we téximu béyitish kürishi eslide milliy kürishimizning asasidur.»
u yene, bügünki künde adriyatik déngizidin seddichin sépilighiche sozulidighan payansiz térrotériyede eng köp qollinilidighan tilning türkche ikenlikinimu sözlirige ilawe qildi.
