bukélé: türkiyening tereqqiyatining bir parchisi bolushni xalaymiz

türkiye awazi radiyosi xewiri: salwador pirézidénti nayb bukélé, dölitining türkiyening zor derijide tereqqiy qilip, dunyada intayin muhim orungha ötkenlikini körüp yetkenlikini otturigha qoyup: «biz türkiyening iqtisadiy éshishining bir parchisi bolushni xalaymiz» dédi.

jumhur reis rejep tayyip erdoghan bilen pirézidént nayib bukélé jumhur reislik mehkimiside ayrim we heyetler ara söhbetlerni ötküzüp, bir qatar kélishimlerni imzalighandin kéyin qoshma muxbirlarni kütüwélish yighini ötküzdi.

türkiyening salwador üchün intayin muhim bir dölet ikenlikini we türkiyede zor yoshurun küchning barliqini körüp yetkenliklirini tekitligen méhman pirézidént bukélé: «türkiye zor derijide tereqqiy qilmaqta. biz buni körüwatimiz. u hazir küchlük, kelgüside téximu küchlinip, dunyagha nisbeten muhim orungha ötidu. bizmu türkiyening iqtisadiy éshishining bir parchisi bolushni, uninggha hemrah bolushni xalaymiz» dégenlerni qeyt qildi.