turkowak emlinishke bashlandi
jiddiy ishlitilishi testiqlanghan «kowid – 19» yuqumigha qarshi yerlik waksina turkowak türkiye miqyasidiki sheher doxturxanilirida emlinishke bashlandi.
türkiye awazi radiyosi xewiri: keng dairide ishlitilishke bashlanghan turkowak waksinisi, enqere sheher doxturxanisining bash doxturxana bölümidimu emlenmekte.
etigen tereplerdin étibaren köp sandiki puqralar turkowak waksinisi emlitish üchün öchirette turghan doxturxanining 10 waksina emlesh hujrisida turkowak emlesh xizmiti dawamlashmaqta, éhtiyaj tughulghan teqdirde, waksina emlesh hujriliri sanining köpeytilidighanliqi bildürülmekte.
turkowak waksinisi emlengen gazi koch, özining ikki shéshe biyonték waksinisi emletkenlikini, xatirilitish qutisi üchün bolsa turkowak waksinisi emlitishni kütüwatqanliqini tekitlep mundaq dédi: «tünügün sehiye ministirimiz fahrettin kojamu turkowak waksinisi emletküzdi, menmu türk alimlirimizgha ishinip, yerlik waksina emletküzüsh yolini tallidim.»
ilgiri 3 shéshe sinowak waksinisi emletküzgenlikini éytqan fatih topaloghlu, mundaq dédi: «xatirilitish qutisi süpitide yerlik waksinimiz turkowakni küttüm we bu waksinini emletküzdüm, hemme kishige bu waksinini emletküzüshini tewsiye qilimen.»
sehiye ministiri fahrettin koja, tünügün élan qilghan bayanatida, turkowak waksinisining bügündin étibaren sheher doxturxanilirida emlinishke bashlinidighanliqini bildürgenidi.
