türkiye madaghasqargha teziye bildürdi
türkiye madaghasqarda eng az dégende 83 ademning ölümige seweb bolghan paraxot weqesi munasiwiti bilen, teziye télégrammisi élan qildi.
türkiye awazi radiyosi xewiri: türkiye tashqi ishlar ministirliqi madaghasqargha teziye bildürüp, bayanat élan qildi.
bayanatta, madaghasqarning sherqiy shimal déngiz tewelikide bir paraxotning déngizgha chöküp kétishi netijiside, eng az dégende, 83 ademning jénidin ayrilghanliqidin chongqur qayghugha chömülgenliki bildürüldi.
bayanatta: «jénidin ayrilghanlarning yéqin-yoruqlirigha, dost madaghasqar xelqige we hökümitige teziye bildürimiz» déyildi.
madaghasqar déngizchiliq we derya portliri agéntliqining mesuli mamy ranjyanawoni (Mamy Randrianavony) 20-dékabir (2021) yoluchi toshush ruxsiti bolmighan bir yük paraxotining nurghun yoluchilarni toshushi sewebidin kömtürülüp ketkenlikini uqturghan idi.
u yene, déngizgha chöküp ketken paraxottiki 64 yoluchining jénidin ayrilghanliqini, 50 ademning qutquzulghanliqini we iz-déreksiz yoqap ketken besh ademni izdesh we qutquzush xizmetlirining dawamlishiwatqanliqini qeyt qilghan idi.
