erdoghan 2022-yilliq xamchotning xeyrilik bolushini tilidi
türkiye jumhur reisi rejep tayyip erdoghan 2022-yilliq xamchotning döletke we xelqqe xeyrilik bolushini tilidi.
türkiye awazi radiyosi xewiri: jumhur reis rejep tayyip erdoghan jumhur reislik mehkimisidiki kabént yighinidin kéyin, xelqqe xitab qildi.
rejep tayyip erdoghan jüme küni (2022-yili 17-dékabir) türkiye büyük millet mejlisi (parlaménti) omumiy kéngishidiki muzakirelerde qobul qilinghan 2022-yilliq xamchotning döletke we xelqqe xeyrilik bolushini tilidi.
u xamchotning üstige qoyulghan 67 istratégiyelik pirogramma bilen türkiyeni meblegh, ishqa orunlashturush, ishlepchiqirish, éksport yoli bilen iqtisadiy éshish nishanlirigha hesse qoshushqa kapaletlik qilidighanliqlirini bildürüp: «xamchotimiz, yéngiliq yaritish we muhitni qoghdashtek terepliri bilen muhim orunda turmaqta. biz bügüngiche bolghinigha oxshash, 2022-yilliq xamchotini belgiligen kirim-chiqim jedwelliri ramkisida dölitimizning nishanlirigha we xelqimizning parawanliqigha xizmet qilidighan shekilde emelge ashurimiz» dédi.
u türkiyening yéqinqi 19 yilda otturiche hésab bilen %5.1 iqtisadiy éshish muweppeqiyitini körsetken iqtisadqa ige bolghanliqini tekitlidi.