türkiyening eng küchlük 8 - süniy hemrahi bolghan «Turksat 5B» amérikadin qoyup bérildi
türkiyening yéngi süniy hemrahi «Turksat 5B» türkiye waqti etigen saet 06:58 de amérikaning florida ishtatigha jaylashqan kép kanawéral bazisidin muweppeqiyetlik halda alem boshloqigha qoyup bérildi.
türkiye awazi radiyosi xewiri: paydiliq yük toshush iqtidari we quwwet qimmiti bilen turksat süniy hemrah etritining eng küchlük ezasi bolidighan «Turksat 5B» xewerlishish süniy hemrahi, «Space X» shirkitige tewe «Falcon 9» rakétasi bilen alem boshluqigha yollandi.
«Turksat 5B» süniy hemrahi türkiyedin bashqa yene, pütkül ottura sherq, pars qoltuqi, qizil déngiz, aq déngiz, shimaliy we sherqiy afriqa, nigériye, jenubiy afriqa we yéqin qoshna döletlernimu öz ichige alghan keng dairide xizmet qilidu. chastota qayta ishlitish we köp nurluq qaplash iqtidarini ishlitilidu, «Ka-Bant» paydiliq qanal yüki bilen omumiy sighimi «55 Gbps» din ashidighan melumat yetküzüzsh iqtidarigha ige.
«Turksat 5B» süniy hemrahi teminligen yuqiri sanliq melumat sighimi bilen türkiyening quruqluq ul esliheliri közitelmigen jaylargha yétip baralaydu we intérnét ul eslihelirini quralaydu.
«Turksat 5B» süniy hemrahining alem boshluqida orun élishigha egiship, türksatning yerlik we milliy süniy hemrah anténna ailisining «PeycON» mulazimetlirining qaplinish dairisi we süriti kücheytilidu.
süniy hemrah bilen qaplinish rayonining tereqqiy qilishigha egiship, MicrON , AerON , HidrON we TerrON anténna ailisining organ tori we IP yürüshlük mulazimiti qatarliq mulazimetliri bilen birge dunyadiki nurghun döletlerde intérnét ishlitish imkaniyiti yaritidu.
buningdin bashqa yene, türkiyening aktip alaqilishish süniy hemrahining sani 5 ke, omumiy süniy hemrah sani 8 ge chiqqan bolidu.
