türkiye nigérda yüz bergen térrorluq hujumini eyiblidi
türkiye nigériyening sokoto ölkisidiki bir bazarda yüz bergen qoralliq hujumni qattiq eyiblidi.
1721643
türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip, 2021 – yili 18 – öktebir nigériyening sokoto ölkisi goronyo rayonidiki bir qaynaq bazarda sadir qilinghan térrorluq hujumida kem dégende 43 ademning qaza qilghanliqi we nurghun ademning yarilanghanliqidin qayghurush ichide waqip bolghanliqini bildürdi.
bayanatta: «bu qebih térrorluq qilmishini qattiq eyibleymiz, hayatidin ayrilghanlarning aile-tawabiatliri bilen dost we qérindash nigériye xelqi we hökümitidin semimiy hal soraymiz, yarilanghanlarning salametlikining tézrek eslige kélishige tilekdashmiz» dégen ibarilerge orun bérildi.