erdoghan rusiye ziyariti, amérika, p k k / y p g qatarliqlar toghrisida muhim sözlerni qildi

türkiye awazi radiyosi xewiri: jumhur reis erdoghan rusiye pirézidénti wiladimir putin bilen sochida ötküzgen uchrishishidin kéyin türkiyege qaytiwétip ayropilanda muxbirlarning soallirigha jawab berdi, küntertipke alaqidar mesililer toghrisidiki qarashlirini otturigha qoyup ötti.

putinning teklipige binaen ishqa ashurulghan sochidiki xizmet ziyariti jeryanida, ikki dölet munasiwitige yéngi we küchlük heriketlendürgüch küch béghishlash mesilisi hemde rayondiki özgirishler toghrisida sözleshkenliklirini bildürgen erdoghan, türkiyening rusiye bilen birlikte qarar qilghan süriyege munasiwetlik barliq mesililerde dawamliq ching turidighanliqini, bu jehette bel qoyuwétishning mumkin emeslikini éytti.

süriyening idlib rayonidiki urush toxtitishning dawamlishishining musapirlarning türkiyedin qaytish süritini ashuridighanliqini tilgha alghan erdoghan, «400 mingi idlib rayonigha bolup bir milyondin artuq adem yurt – makanlirigha qaytti. bu ijabiy tereqqiyat. bu sanni köpeytish we biz dölitimizde méhman qilghan süriyeliklerning yurtlirigha xatirjem qaytishi üchün zörür bolghan xizmetlerni sijil dawamlashturimiz» dédi.

jumhur reis erdoghan sözini dawamlashturup: «men alahide diqqitimni merkezleshtürgen yene bir téma (bölgünchi térrorluq teshkilati) p k k / y p g ning moskwada bolushi idi. buni ulargha eslitip öttüm. oxshashla bu teshkilat amérikadimu aqsarayda kütüwélindi. bu yerdimu bulargha bolghan qiziqish – epsuski, yuqiri derijide. «melum, amérikaliq (ottura sherq we shimaliy afriqa kordinatori brét) makgurk deydighan bir adem bar. bu kishi térrorluq teshkilatlirining asasen dégüdek bashqurush ishlirini qilidu. bu kishi p k k / y p g / p y dning bashqurghuchisidekla heriket qilmaqta. elwette, méning bu sözlirim birilirini éghir derijide biaram qilidu. bunimu bilimiz. biraq bu térrorluq teshkilatliri bilen u yerlerde qol tutushup yürgen adem. men térrorchilargha qarshi küresh qiliwatqan bir rayonda buning ular bilen qolmoqul aylinip yürüshi méni éghir derijide biaram qilmaqta. hazirmu uning bu térrorluq teshkilati bilen birge bolushi, uning ornini körsitip béridu. haman bir küni amérika bu yerdin chiqip kétip, bu yer süriye xelqige bérilishi kérek. térrorizmgha qarshi küreshtiki hemkarliqimizni téximu kücheytishimiz kérek, déduq» dégenlerni qeyt qildi.