erdoghan yéngi oqu - oqutush yilini bashlash murasimigha ishtirak qildi
jumhur reis rejep tayyip erdoghan, «yuqum peyda qilghan qiyinchiliqlargha qarimay, maaripni dölet miqyasida toxtitip qoymighan bir qanche döletning biri bolduq» dédi.
türkiye awazi radiyosi xewiri: jumhur reis erdoghan istanbul sultanehmet kespiy téxnika anadolu toluq mektipide ötküzülgen 2021 – 2022 – yilliq oqu – oqutush yilini bashlash murasimigha ishtirak qildi we murasimda söz qilip: «2021 – 2022 – yilliq oqu – oqutush yilining oqughuchilirimiz, oqutquchilirimiz, ata – anilar, maarip saheyimiz we dölitimizge xeyrlik bolushini tileymen» dégenlerni qeyt qildi.
yüzturane maaripning dawamlashturulushi üchün waksina emlitishning muhimliqini tekitligen erdoghan: «waksina emleshte jemiy waksina quta sani 100 milyongha qarap ilgirilimekte... milliy maarip ministirliqida qurulghan digital ul eslihe bilen mekteplirimizdiki jeryanlarni, késellikning yönilishini yéqindin közetmektimiz, közitimiz. yüz turane maaripni dawamlashturush iradimiz qetiy» dédi.
xelqni waksina emlitishke chaqirghan erdoghan sözini dawamlashturup: «nöwiti kelgen barliq puqralarni, eng bashta maarip sahesi xadimlirimiz we ata – anilarni waksina emlitishke chaqirimen. nurghun döletlerning kolléktip waksina emleshte éghir qiyinchiliqlargha duch kelgenlikini nezerge alghinimizda, bu menzire dölitimiz üchün zor utuq hésablinidu. yuqumning tarqilishining aldini élish, oqughuchilirimiz, oqutquchilirimiz, ata – anilirimiz bashta bolup, hemmimizning yolgha qoyulghan tedbirlerge riaye qilishigha baghliq» dégenlerni qeyt qildi.
