erdoghan: türkiye xelqi «siwas qurultiyi»ning rohigha asasen zeper quchti
jumhur reis rejep tayyip erdoghan türkiye xelqining her türlük imkansizliqlar arisida «siwas qurultiyi» da namayan qilinghan irade we qetiylik bilen birlik we barawerlikini qoghdap, «musteqilliq kürishi» ni zeper bilen netijilendürgenlikini éytti.
türkiye awazi radiyosi xewiri: jumhur reis erdoghan, «siwas qurultiyi» ning 102 – yilliqi munasiwiti bilen élan qilghan bayanatida, türkiye xelqining musteqilliqi, bayriqi we wetinidin esla waz kechmeydighanliqi pütkül dunyagha jakarlanghan «siwas qurultiyi» ning, türkiye xelqi üchün tarixiy burulush nuqtisi hésablinidighanliqini tekitlep mundaq dédi: «türkiye xelqi her türlük imkansizliqlar arisida <siwas qurultiyi> da namayan qilinghan irade we qetiylik bilen birlik we barawerlikini qoghdap, <musteqilliq kürishi> ni zeper bilen netijilendürdi؛ bizmu bügünki künde her bir qedimimizni <siwas qurultiyi> da maqullanghan we türkiye jumhuriyitining asaslirini shekillendürgen qararlargha riaye qilghan halda tashlawatimiz.»
tarixi shanliq zeperler bilen tolup tashqan türk xelqining iqtisadiy we siyasiy musteqilliqini jan tikip qoghdap, qetiy irade bilen xizmet ishleshni dawamlashturuwatqanliqini eskertken jumhur reis erdoghan, mundaq dep körsetti: «eziz xelqimizning iradisini hemmidin üstün orungha qoyup, dölet chégraliri ichidiki weten térrotériyesining her bir santimétirini jan tikip qoghdap, 2023-yilliq ulughwar nishanlirimizgha yétish we 2053- 2071-yilliq istiratégiyelik pilanlirimizni emelge ashurush üchün büyük we qudretlik türkiye sepirimizni ishench bilen dawamlashturuwatimiz, <siwas qurultiyi> ning 102 – yilliqi munasiwiti bilen, ghazi mustapa kamalni öz ichige alghan barliq qehrimanlirimizni cheksiz hörmet we minnetdarliq tuyghusi ichide yad étimen, qurultaygha sahibxaniliq qilghan siwas xelqi we barliq puqralirimni chin dilimdin qizghin salamlaymen.»
