türkiye süriyediki b d t wekillirini insanperwerlik mesililiride pirinsipal bolushqa chaqirdi

türkiye awazi radiyosi xewiri: türkiye jumhuriyiti tashqi ishlar ministirliqi bayanatchisi, bash elchi tanju bilgich, aldinqi küni b d t ning demeshiqte daimiy turushluq kordinatori we insanperwerlik maslashturghuchisi, b d t ning süriye kirizisi rayonluq insanperwerlik maslashturghuchisi we b d t balilar yardem fondining ottura sherq we shimaliy afriqa rayonluq diréktori teripidin élan qilinghan birleshme bayanattiki xataliqlar, toluqsiz we qaymuqturghuchi uchurlargha isharet qilip, bu xil mesililerde sezgür bolushni telep qildi.

bilgich bu heqtiki soalgha yazma jawab qayturup, türkiyening süriyening insanperwerlik weziyiti toghrisida b d t bilen qerellik alaqilishiwatqanliqini bayan qilip: «shundaq bolushigha qarimay, b d t ning demeshqte daimiy turushluq maslashturghuchisi we insanperwerlik maslashturghuchisi, b d t rayonluq insanperwerlik maslashturghuchisi, süriye kirizisi we b d t balilar parawanliq fondining ottura sherq we shimaliy afriqa rayonluq diréktori teripidin élan qilinghan 2021- yili 7- ayning 15- künidiki birleshme bayanatida maddi xataliq, toluq bolmighan we qaymuqturghuchi uchurlar bar» dédi.

bilgich alluq su ponkitining resuleynge yéqin süriye öktichilirining kontrolluqidiki rayongha jaylashqanliqini we tok bilen ishleydighanliqini eslitip ötti.

bilgich, mezkur ponkit bilen resuleyn we telabyad rayonining birdinbir tok menbesining bolsa, jenubta ikenlikini körsitip: «térorluq teshkilati p k k / p y d we hakimiyet alluq su ponkiti we rayongha baridighan tokni qesten toxtitishqa urunmaqta. tok üzülüp qélish ehwalliri ponkitning su bilen teminlishini yoqqa chiqirip, rayondiki insanperwerlik sharaitini murekkepleshtürüwetmekte» dégenlerni qeyt qildi.

u, resuleyn we tél abyad rayonida 18 – aprél, alluq su ponkitida bolsa, 26 – iyundin buyan bu sewebtin éléktér énérgiyesining mewjut emeslikini otturigha qoyup: «shuningdek hakimiyet bab rayonining ichimlik ​​we déhqanchiliq süyi bilen teminlinishige xalighanche tosqunluq qilmaqta» dédi.

birleshme bayanatqa imza qoyghuchilarning süriyediki insanperwerlik mesililirige tallap pozitsiye bildürgenliki we kowid – 19 yuqumi mezgilide öktichilerning kontrolluqida yashaydighan nechche yüzminglighan puqraning tok we sudin qesten mehrum qilinishining éghir aqiwetlirige sel qarighanliqigha isharet qilghan bilgich, sözini dawamlashturup: «biz b d t ning rayondiki wekillirige mesililerni pirinsipal, terepsiz we musteqil bir terep qilish kéreklikini eskertimiz» dédi.