turkowakning wirusning engliye wariyantighimu tesir körsitidighanliqi éniqlandi
türkiyede tereqqiy qildurulghan yerlik waksina «turkowak»ning wirusning engliye wariyanti dep atiliwatqan ghimu taqabil turalaydighanliqi éniqlandi.
türkiye awazi radiyosi xewiri: turkowakning haywanlar üstidiki sinaqlirining ghelibilik axirlashqanliqi bildürüldi.
yéqinda üchinchi basquchluq sinaqlirini bashlighan yerlik waksina — turkowakqa alaqidar xush xewerni qeyseri erjiyes uniwérsitéti modiri piroféssor doktor mustafa chalish jamaetchilik bilen ortaqlashti.
turkowakning wirusning engliye wariyantini chöridigen halda chashqanlar üstide sinaq qilinghanliqini bildürgen chalish: «waksinimiz — turkowakni chashqanlar üstide sinaq qilip, uning engliye wariyantigha qarshi ünümining intayin yuqiri ikenlikini körduq. buning xush xewirini ortaqlashqum keldi» dédi.
u, turkowakning wirusning bashqa wariyantlirigha qarshi ünümi toghrisida toxtilip, omumiy pen – tetqiqatchilarning passip waksinilarning nurghun wariyantlargha qarshi ünümi bolidighanliqini otturigha qoyghan halda: «turkowakning baldurraq hem dölitimiz, hem dunyada emlinidighan haletke kelgenlikini körüshni xalaymiz. buni taqetsizlik bilen kütmektimiz» dégenlerni qeyt qildi.
turkowakning üchinchi basquchluq sinaq xizmetliri dawamlashmaqta.
bu basquch ghelibilik axirlashqan teqdirde, jiddiy ishlitish ijaziti bilen milyonlarche kishi shipa bolidu.
