mewlut chawushoghlu: afinagha ijabiy küntertip bilen mangduq
tashqi ishlar ministiri mewlut chawushoghlu girétsiyening paytexti afinagha ijabiy küntertip bilen mangghanliqini tilgha élip, «biz ijabiy shekilde kütüwalghan iduq, qarshi tereptinmu oxshash pozitsiyeni kütimiz» dédi.
türkiye awazi radiyosi xewiri: mewlut chawushoghlu girétsiye ziyaritidin ilgiri bayanat élan qildi.
mewlut chawushoghlu afinagha ijabiy küntertip bilen mangghanliqini tilgha élip, «biz ijabiy shekilde kütüwalghan iduq, qarshi tereptinmu oxshash pozitsiyeni kütimiz» dédi.
chawushoghlu bu qétimqi ziyariti dairiside eng deslep gherbiy trakyadiki musulman türk az sanliqlirining wekilliri bilen körüshidu. gherbiy tirakyadiki ziyaritidin kéyin afinagha bérip girétsiye tashqi ishlar ministiri nikos déndiyasning sahibxanliqidiki kechlik ziyapetke qatnishidu.
girétsiyelik mensepdishi déndiyas bilen ötküzidighan uchrishishida, ikki ministir türkiye-girétsiye munasiwetlirini etrapliq muzakire qilidu.
uchrishishning asasliq kün tertipi sherqiy aq déngiz we ege déngizidiki tereqqiyatlar bolidu. buningdin bashqa yene, girétsiyening köchmenlerge qaratqan pozitsiyesimu muzakire qilinidu.
yighinda yene, girétsiyening dölettiki az sanliq milletlerge qaratqan pozitsiyesi küntertipke kélidu.
türkiye we girétsiye dölet mudapie ministirliqliri heyiti otturisida 4- nöwetlik ishenchni ashurush tedbirliri yighini 2021-yili 26- maydin 27-mayghiche sinliq konférans arqiliq ötküzülgen idi.
yighinda ishenchni ashurush tedbirlirige dair muzakirilerning dawamlishidighanliqi birdek maqullanghan idi.
tashqi ishlar ministiri mewlut chawushoghlu 15-aprél paytext enqerede grétsiyelik mensepdishi nikolas déndiyas bilen körüshken idi.
