aridin 87 yil ötkendin kéyin ayasofya jameside roza héyt namizi ada qilindi

türkiye awazi radiyosi xewiri: tunji qétimliq roza héyt namizigha diyanet ishliri bashqarmisi bashliqi piroféssor doktor eli erbash imam boldi.

kowid – 19 yuqumini tizginlesh tedbirliri dairiside jamening ichige az sanda jamaetning kirishige ruxset qilindi, qalghan kishiler jamening hoylisi we etraptiki kochilarda sep bolup namaz ötidi.

türkiye büyük millet mejlisi (parlaménti) bashliqi mustapa shentop bilen ul eslihe ministiri adil qaraismailoghlu, istanbul waliysi eli yerliqaya, fatih sheherlik hökümet bashliqi ergün turan qatarliqlarmu héyt namizini ayasofyai kebir jamii sheripide ötidi.

shentop namazdin kéyin muxbirlargha israiliyening sherqiy quddus we ghezzege qiliwatqan hujumliri toghrisida bayanat bérip: «bu, pütkül islam dunyasini, ikki milyardtin artuq dunya musulmanlirini renjide qilghan, epsuslandurghan, bashqiche éytqanda, héytini zeherge aylandurghan bir ish, bir kartina» dédi.

u, islam döletliri bashta bolup, dunya ellirining xelqara qanungha xilap bu xil qilmishlargha, ishghal we zulum siyasetlirige ortaq qarshi turushi kéreklikini tekitlidi.