aqar «penche – chaqmaq» we «penche – güldürmama» herbiy heriketliri toghrisida melumat berdi

türkiye awazi radiyosi xewiri: türkiye jumhuriyiti dölet mudapie ministiri xulusi aqar bilen türkiye armiyesining yuqiri derijilik herbiy qomandanliri kéche boyiche shirnaqtiki herbiy heriket merkizide zerbe bérish heriketlirige qomandanliq qildi.

herbiy heriketlerning pilan boyiche ilgirilewatqanliqini bildürgen ministir aqar, 23 – aprél bashlanghan «penche – chaqmaq» we «penche – güldürmama» herbiy heriketliri jeryanida hazirghiche 105 térrorchining bir terep qilinghanliqini, 1 – yanwardin buyanqi zerbe bérish heriketliride bir terep qilinghan jemiy térrorchilar sanining 1056 ge yetkenlikini qeyt qildi.

herbiy heriketlerning iraqni öz ichige alghan barliq qoshnilarning zémin pütünlüki, chégra bixeterliki we igilik hoquqigha hörmet qilghan asasta élip bériliwatqanliqini tekitligen aqar, herbiy heriketlerning eng axirqi térrorchi ujuqturulup bolghuche dawamlishidighanliqini eskertti.

u, térrorchilarning nurghun qoral we oq – dorilirining qolgha chüshürülgenlikini bildürüp: «bizning meqsitimiz hem dölitimizni hem iraqliq qérindashlirimizni térror balasidin qutquzushtin ibaret» dégenlerni sözlirige ilawe qildi.