jumhur reis erdoghan malayshiya padishahi we qatar emiri bilen téléfonlashti

türkiye awazi radiyosi xewiri: jumhur reislik mehkimisi uchur – alaqe ishliri idarisining bildürüshiche, jumhur reis erdoghanning malayshiya padishahi bilen ötküzgen téléfon söhbitide, ikki dölet munasiwetliri bilen birlike, israiliyening mesjidi eqsagha we pelestinliklerge qiliwatqan hujumliri toghrisida pikir almashturulghan.

jumhur reis erdoghan, israiliyening mesjidi eqsagha hujum qilishi, pelestinliklerge zulum sélishigha qarita bir gewde bolushning zörüiyitini otturigha qoyghan.

u, türkiye bilen malayshiyaning bu heqte birleshken döletler teshkilati (b d t) we islam hemkarliq teshkilati qatarliq munasiwetlik barliq organlar bilen hemkarlishidighanliqigha ishinidighanliqini tekitligen.

erdoghanning qatar emiri al sani bilen ötküzgen söhbitidimu israiliyening mesjidi eqsa we pelestinliklerge qilghan hujumliri muzakire qilinghan.

jumhur reis erdoghan, israiliyening quddus, mesjidi eqsa we pelestinlerge qaratqan hujumlirigha qarita rayon döletliri we xelqara jemiyetni seperwer qilish üchün türkiye bilen qatarning birlikte tirishchanliq körsitishining muhim ikenlikini tekitlidi.

jumhur reis erdoghan tünügünmu iyordaniye padishahi ikkinchi abdullah we kuweyt emiri newwaf elehmed eljabir essabah bilen ayrim – ayrim téléfon söhbiti ötküzüp, israiliyening mesjidi eqsa we pelestinliklerge qiliwatqan hujumliri toghrisida sözleshkenidi.