fahrettin altun: qibris mesilisining hel qilish charisi, ikki döletning mewjutluqini qobul qilish
jumhur reislik uchur - alaqe idarisi bashliqi fahrettin altun qibris mesilisining birdinbir hel qilish charisining barawerlikke we musteqilliqqa ige ikki döletning mewjutluqini qobul qilish ikenlikini éytti.
türkiye awazi radiyosi xewiri: fahrettin altun qibris mesilisi heqqide tiwittér hésabida bayanat élan qildi.
fahrettin altun yillardin buyan hel qilinalmaywatqan qibris mesilisining xelqara sehnide türkiye otturigha qoyghan küchlük irade bilen heqliq rewishte munazire qiliniwatqanliqini tekitlep, «araldiki türklerning mewjutluqigha sel qarash arqiliq qibris mesilisini hel qilghili bolmaydu. qibrista birdinbir hel qilish charisi, barawerlikke we igilik hoquqigha ige ikki döletning mewjutluqini qobul qilishtur» dédi.
fahrettin altun tiwittérdiki yazmisigha, jumhur reislik uchur - alaqe idarisi teripidin teyyarlanghan sinni qoshup hembehirlidi.
sinda, ötmüshtin buyan élip bérilghan we netijisiz qalghan qibris muzakiriliri bilen türkiye jumhuriyitining qibris mesilisidiki roli etrapliq chüshendürülidu.
