sulayman soylu 5 térrorchining ujuqturulghanliqini élan qildi
ichki ishlar ministiri sulayman soylu diyarbakirning lije nahiyesige qarashliq yézilarda élip bérilghan «eren 2» herikitide bölgünchi térrorluq teshkilati p k k ezasi 5 térrorchining ujuqturulghanliqini élan qildi.
türkiye awazi radiyosi xewiri: sulayman soylu tiwittér hésabida hembehirligen yazmisida, «eren 2 herikiti netijiside, diyarbakirning lije nahiyesi yézilirida 5 térorchi ujuqturuldi. bu döletning yégit ewlirigha we qehriman zhandarmimizgha halal bolsun» dédi.
«eren 2» herikiti heqqide ichki ishlar ministirliqi teripidin élan qilinghan bayanattimu eren 2 herikiti dairiside, diyarbakirning lije nahiyesige qarashliq yéziliridiki bixeterlik qisimliri, qoralliq we qoralsiz uchquchisiz oyroplanlar, atak tik uchar ayropilani we hawa armiyesining yardimi bilen térrorchilargha qarshi heriket élip bérilghanliqi bildürüldi.
bayanatta, élip bérilghan heriket jeryanida, p k k ning atalmish alahide qisim ofitsérini öz ichige alghan 5 térorchining ujuqturulghanliqi we rayonda herbiy heriketlerning dawamlishiwatqanliqi uqturuldi.