türkiye yasin yildirimning istépa bérishke mejburlinishigha naraziliq bildürdi

türkiye awazi radiyosi xewiri: türkiye jumhuriyiti tashqi ishlar ministirliqining muawin ministiri yawuz selim qiran, firansiyede ermen térrorluq teshkilati — asalaning hujumida shéhit bolghan türk diplomatliri xatirilengen bir uchurni yaqturghan türk sheherlik hökümet mejlisi ezasi yasin yildirimning istépa bérishke mejburlinishining qobul qilghili bolmaydighan qilmish ikenlikini otturigha qoydi.

yawuz selim qiran tiwittérdiki adrésida uchur hembehrilep, ermen térrorchilarning hujumlirida shéhit bolup ketken türk diplomatlargha munasiwetlik bir körünüshni yaqturghan waléns sheherlik hökümette komitét ezaliqi wezipisini ötewatqan yasin yildimning istépa bergüzülgenlikige naraziliq bildürdi.

pursetla tapsa pikir erkinliki toghrisida ders birishke urunup kéliwatqanlarning, aramlirini buzup qoyidighan pakitlargha duch kelgende, her xil zulumlarni qilishni özlirining yolluq hoquqi dep qaraydighanliqini eskertken qiran: «asala térrorluq teshkilati shéhit qiliwetken diplomatlirimizni yad etken bir siyasiyonning istépa bérishke mejburlinishini qobul qilghili bolmaydu» dédi.

firansiyening waléns sheherlik hökümet mejliside komitét ezasi bolup ishlewatqan yasin yildim, inisi ijtimaiy alaqe torida hembehirligen türkiye tashqi ishlar ministirliqining «ermen térrorluq hujumida shéhit bolghan diplomatlirimiz» namliq foto – süritini yaqturghandin kéyin, ermen jemiyetlirining bésim we shikayetlirige duch kelgen sheherlik hökümet bashliqi nikolas daragon yildirimdin istépa bérishini telep qildi.

yildirim bésimlar sewebidin xizmitidin istepa bérishke mejbur boldi.