mustapa shentop 23 ösmürni kütüwaldi

türkiye awazi radiyosi xewiri: türkiye büyük milliy mejlisi (parlaménti) bashliqi mustapa shentop, kelgüsining chongliri bolghan kichil balilargha, «siler inshaallah, téximu yaxshi künlerde, téximu qudretlik, téximu chong türkiyede yashaysiler. bundaq türkiyeni quridighan we berpa qilidighan kishiler siler bolisiler» dédi.

balilar bilen bir mezgil paranglashqan we ularning soallirigha jawab bergen mustapa shentop, türkiye büyük milliy mejlisining qurulishi we 23 - aprél milliy igilik hoquqi we balilar bayrimi heqqide melumat berdi. balilar oqughan türkiye dölet shéirini anglap, ularni tebriklidi.

mustapa shentop programma dairiside balilarni ishxanisida kütüwaldi we öz wezipisini ikkinchi sinip oqughuchisi mirach eymen kayagha ötküzüp berdi.

mustapa shentop balilargha qilghan sözide, «1920-yili 23- aprél, bizning musteqilliq kürishimiz türkiye büyük milliy mejlisi teripidin élip bérilishqa bashlighan kündur.  bu kün atatürk teripidin balilargha sowgha qilindi we bayramgha aylandi» dédi.  

mustapa shentop  yene mundaq dédi:

«bu dunya tarixida tunji qétim balilargha sowgha qilinghan bir bayram bolup, buni türkiye ishqa ashurdi. némishqa balilargha sowgha qilindi? chünki balilar bizning kelgüsimiz. hazir atatürk we uning dostliri hayat emes. uningdin kéyin ularning dostlirining perzentliri bayraqni tapshurup aldi, andin ularmu alemdin ötti we ularning perzentliri bayraqni tapshurup aldi , andin ularning perzentliri. emdi nöwet bizge keldi. azghine waqittin kéyin, silermu chong bolisiler. biz bayraqni silerge tapshurimiz».

türkiyening büyük we küchlük döletke aylinish yolidiki kürishining bir bayraq musabiqisi ekenlikini eskertken mustapa shentop, «siler inshaallah, téximu yaxshi künlerde, téximu qudretlik, téximu chong türkiyede yashaysiler. bundaq türkiyeni quridighan we berpa qilidighan kishiler siler bolisiler» dédi.