türkiye misirgha teziye bildürdi
türkiye misirda yüz bergen poyiz qazasi munasiwiti bilen teziye bayanati élan qildi.
türkiye awazi radiyosi xewiri: türkiye tashqi ishlar ministirliqi teripidin élan qilinghan yazma bayanatta, enqerening, tünügün misirning qelyubiye wilayitining tuh rayonida yüz bergen poyiz qazasida 11 kishining hayatidin ayrilghanliqi we nurghun kishining yarilanghanliqidin tolimu epsuslanghan halda xewer tapqanliqi tekitlinip mundaq déyildi: «qazada hayatidin ayrilghanlargha allah taaladin rehmet, yarilanghanlargha shipaliq, dost we qérindash misir xelqi bilen merhumlarning aile tawabiatliri hem yéqin – yoruqlirigha teziye bildürimiz.»
misir sehiye ministirliqi teripidin bu heqte élan qilinghan bayanatta, tuh shehiride qahire-mensura ariliqida qatnawatqan poyiz yoluqqan qazada 11 kishining hayatidin ayrilghanliqi, 98 kishining yarilanghanliqi uqturulghanidi.
