türkiyede bügün 273 yuqumlanghuchi qaza qildi
türkiyede yéqinqi 24 saet ichide «kowid – 19» yuqumi sewebidin 273 kishi jénidin ayrildi.
türkiye awazi radiyosi xewiri: bügün türkiyede «kowid – 19» yuqumi sewebidin 273 kishi jénidin ayrildi. buning bilen, «kowid – 19» yuqumi sewebidin jénidin ayrilghanlarning omumiy sani 34 ming 455 ge yetti.
bügün bir künde salametliki tekshürülgen 306 ming 563 kishining 2 ming 723 nepiride yuqum bayqaldi.
kündilik yuqumlanghuchilar omumiy sani 59 ming 187 ge yetti.
dawalinip doxturxanidin chiqqan 52 ming 104 kishi bilen, salametliki yaxshilanghanlarning sani 3 milyon 424 ming 733 ke yetti.
bu ariliqta, jumhur reis rejep tayyip erdoghan, «kowid – 19» yuqumigha qarshi küresh tedbirliri dairiside ministirlar kéngishida maqullanghan qararlarni élan qildi.
15 künlük «qismen öydin sirtqa chiqmasliq tedbirliri» dairiside؛ hepte axirliri tamamen, hepte ichi (enqere waqti saet) 19.00 – 05.00 ariliqida kochigha chiqish cheklimisining ijra qilinidighanliqini, bu saetler sirtida sheherler ara sayahetlerning zörür ehwallarning sirtida meniy qilinghanliqini eskertken jumhur reis erdoghan, dölet orunlirida keng omumlashturulidighan xizmet ornida éhtiyajqa qarap az kishi bilen ishlesh, qalghan xizmetlerni yiraqtin tor muhiti astida dawamlashturush tedbirlirining xususiy sahelerdimu teshwiq qilinidighanliqini, her xil imtihanlargha teyyarlanghan siniplar we oqush yéshigha toshmighan balilar bölümini hésabqa almighanda, maarip xizmitining yiraqtin dawamlashturulidighanliqini, réstoran qatarliq ish orunlirining peqet bulaq mulazimitinila qilidighanliqini, üsti yépiq sahelerdiki ammiwi paaliyetlerning uda bir ay kéchiktürülgenlikini tekitlep mundaq dédi: «eger biz ikki hepte ichide nishanimiz boyiche yaxshi weziyetke qedem qoyalmisaq, u chaghda téximu qattiq tedbirlerni yolgha qoyimiz.»
