chawushoghlu afghanistan diplomatiye ministiri bilen téléfonlashti
tashqi ishlar ministiri mewlüt chawushoghlu afghanistan diplomatiye ministiri hanif artmar bilen téléfonda körüshti.
türkiye awazi radiyosi xewiri: diplomatik menbelerning bildürüshiche, ikki ministirning tünügün (2021-yili 11-aprél) élip bérilghan téléfon söhbitide, «istanbul konféransi» gha munasiwetlik özgirishler heqqide muzakire élip bérilghan.
türkiye, afghanistanda tinchliq musapisi üchün birleshken döletler teshkilati we qatar bilen mas qedemde afghanistandiki terepler bilen uchrishishlarni élip barmaqta.
dölet mudapie ministirliqi, istanbuldiki yighin üchün ishtirakchi döletler, wekillerning sewiyeliri we ishtirakchi tertipi heqqide xizmet ishlimekte, hemde ishtirak mesililiri toghruluq munasiwetlik terepler bilen qoyuq kéngesh élip barmaqta.
tashqi ishlar ministiri mewlüt chawushoghlu, afghanistan we qatar diplomatiye ministirliridin sirt yene, munasiwetlik döletlerning rehberliri bilenmu téléfonda körüshmekte.
diplomatik menbeler, afghanistandiki terepler bilen muzakirilerning ochuq – ashkara halda élip bériliwatqanliqini, türkiyening her ikki terepningmu ishenchisige sahib bolushining muhim alahidilik ikenlikini eskertmekte.
