amérikaliq siyasiy nezeriyechidin türkiyening qoralliq uchquchisiz ayropilanlrigha medhiye
amérikaliq siyasiy nezeriyechi firansis fukuyama, türkiyening qoralliq uchquchisiz ayropilanlirining ötken yili türkiyening rayondiki chong küch süpitide qed kötürüshige muhim töhpe qoshqanliqini éytti.
türkiye awazi radiyosi xewiri: amérikaliq siyasiy nezeriyechi firansis fukuyama «amérika nishani» zhurnilida élan qilinghan maqalisida, türkiyening qoralliq uchquchisiz ayropilanlirining öz rayonida peyda qilghan küchlük tesirini maxtidi.fukuyama «herbiy qoralliq uchquchisiz ayropilanlar türkiyening xelqaraliq körünüshini özgertti. türkiye rayonda asasliq aktiyorgha aylandi» dédi.
firansis fukuyama türkiyening özi ishlepchiqarghan qoralliq uchquchisiz ayropilanlirini liwiye, süriye taghliq qarabaghda shundaqla dölet ichide bolsa, térorluq teshkilati p k k gha qarshi ishletkenlikini eskertti.
türkiyening qoralliq uchquchisiz ayropilanlirining iqtidarining intayin tesiri küchlük bolghanliqini tilgha alghan fukuyama «eng yéngi türk uchquchisiz ayropilani tolimu ünümlük idi, mesilen؛ «TB2» hawada 24 saet turalaydu, hem razwédka qilish we hujum qilish wezipisini orundiyalaydu» dédi.
fukuyama süriye, liwiye we taghliq qarabaghda ishlitilgen türkiye qoralliq uchquchisiz ayropilanlirining urush meydanida ötigen wezipilirining heyran qalarliq bolghanliqini, bolupmu erméniyening herbiy amillirigha keltürgen ziyinining körünerlik derijide éghir bolghanliqini yazdi.
fukuyama yéqinqi yillarda türkiye ishlepchiqarghan qoralliq uchquchisiz ayropilanlarning hazirqi dewr urush taktikisini özgertiwetkenlikini eskertip, «qoralliq uchquchisiz ayropilanlar 2020-yili türkiyening rayondiki chong küch süpitide qed kötürishige muhim töhpe qoshti. mezkur 3 urushning netijisini konkért shekilde belgilidi we téximu köp ishlarni qilalaydighanliqini namayan qildi» dédi.
