chawushoghlu küntertiptiki soallargha jawab berdi

türkiye awazi radiyosi xewiri: tashqi ishlar ministiri mewlüt chawushoghlu bir téléwiziye qanilining téléfon ziyaritini qobul qilip, küntertiptiki soallargha jawab berdi.

u qanal istanbul toghrisida türkiyege nisbeten biésim yoqluqini, undaq bésimni türkiyeningmu qobul qilishining mumkin emeslikini eskertip: «montrö kélishimi peqet boghuzlardin ötüshikila qaritilghan emes. qara déngiz döletliriningmu qanchilik paraxotqa ige bolalaydighanliqi, ularning tonnazhi, waqti qatarliq nurghun cheklimiliri bar. yéngi qanal istanbul montrögha tesir qilmaydu, montrömu qanal istanbulgha tesir qilmaydu» dédi.

u türkiyening heq-hoquqi we menpeetlirini jumhur reis rejep tayyip erdoghan rehberlikide qoghdighanliqlirini tekitlidi.

u ilgiri özlirining amérikadiki yéngi hökümet bilen téximu aldin perez qilghili bolidighan munasiwette bolidighanliqlirini éytqanliqini bayan qilip, amérikaning sabiq prézidénti barak obama dewridin buyan peyda bolghan mesililerning barliqini, tashqi ishlar ministiri antoni blinkén bilen téléfonda söhbetleshkenlikini we biryussélda bir yerge jem bolghanliqini eskertti.

u omumiy jehettin istratégiyelik oylighanda, türkiye bilen amérikani birleshtürgen nurghun mesililerning barliqini, ularningmu türkiyening qanchilik muhim istratégiyelik ikenlikini deydighanliqini éytti.

u ikki dölet otturisidiki mesililerning burundin tartip barliqini bildürüp, bu mesililerni hel qilish üchün yéngi hökümet bilen söhbetleshkenlikini qeyt qildi.