erdoghan: bizning ne gherb, ne sherqqe arqimizni qilip turuwalalmaymiz

türkiye awazi radiyosi xewiri: jumhur reis, qoshumche adalet we tereqqiyat partiyesi reisi rejep tayyip erdoghan, partiyesining paytext enqerede ötküzülgen 7 – nöwetlik chong qurultiyida söz qilip, aldimizdiki mezgilde dostlarning sanini köpeytip, kélishmesliklerni hel qilip, türkiye jaylashqan bu jughrapiyeni xatirjemlik ariligha aylandurushqa bel baghlighanliqlirini esketti.

erdoghan: «süriye heqiqiy menide süriyelikler bashquridighan bir jaygha aylanghuche küch chiqirishni dawamlashturimiz» dégen sözliri arqiliq süriyening xelqi bilen bir septe turushni dawamlashturidighanliqlirini otturigha qoydi.

u, türkiyening qollishi sayisida bügün liwiyening qaytidin kelgüsige ümid közi bilen qariyalighanliqini, démokratik musapige qedem basalighanliqini tilgha élip ötti.

amérika qoshma ishtatliridin rusiyegiche, yawropa ittipaqidin ereb döletlrigiche bolghan barliq döletler bilen bolghan munasiwetlerni türkiyening menpeeti we xelqning ümidige mas halette shekillendürüshni dawamlashturidighanliqlirini tekitligen erdoghan: «afriqa, asiya we yawropaning qelbidin orun alghan bir dölet bolush süpitimiz bilen ne sherqqe, ne gherbke arqimizni qilip turuwélishtek bir tallishimiz yoq» dégenlerni sözlirige ilawe qildi.