chawushoghlu: blinkén bilen körüshüshimiz muweppeqiyetlik boldi
diplomatiye ministiri mewlüt chawushoghlu bélgiyening paytexti biryussélda amérika qoshma ishtatliri tashqi ishlar ministiri antoni blinkén bilen élip barghan körüshüshining muweppeqiyetlik bolghanliqini éytti.
türkiye awazi radiyosi xewiri: mewlüt chawushoghlu, shimaliy atlantik ehdi teshkilatining bélgiyening paytexti biryusséldiki qarargahida, amérika qoshma ishtatliri tashqi ishlar ministiri antoni blinkén bilen bir yerge jem boldi.
chawushoghlu, uchrishishtin kéyin élan qilghan bayanatida, mundaq dédi: «türkiyening <400 – s> bashqurulidighan bomba mudapie sistémisi alghanliqini, bu ishning alliqachan tügigenlikini yene bir qétim eskerttuq, ittipaqdashlirimizdin bu sistémilarni alalmighanliqimizni bildürduq. shuni alahide tekitlep ötimenki, blinkén bilen körüshüshimiz muweppeqiyetlik boldi, uninggha, bölgünchi térrorluq teshkilati p k k ning yéqindin buyanqi térrorluq hujumlirining köpiyip ketkenlikini xatirilettuq, uchrishishta, süriye kirizisining insanperwerlik teripi heqqide tepsiliy muzakire élip barduq, türkiyede yaki amérika qoshma ishtatlirida keng dairilik bir yighin chaqirish mesiliside ortaq tonush hasil qilduq.»
afghanistan konféransini aprél éyi ichide chaqirishni pilanlawatqanliqlirini eskertken chawushoghlu, «dohagha tallash xaraktérlik bir munberning otturigha chiqishini xalimaymiz, biz peqet qollash meqsitidila yighin chaqirishni xalaymiz.»
mewlüt chawushoghlu, türkiye – yawropa ittipaqi munasiwetliri toghriliqmu toxtilip mundaq dédi: «tamozhna birlikining belgilimiliri yéngilinishi kérek, sherqiy aqdéngiz menbeliridin heqqaniyet asasida behrimen bolush intayin muhim, qibris mesilisini üzül - késil hel qilish yolida nahayiti zor tirishchanliq körsitiwatimiz.»
