erdoghan shéhit bolghan eskerning ailisidikiler bilen téléfonda körüshti
jumhur reis rejep tayyip erdoghan bitlisning tatwan rayonida tik uchar chüshüp kétish weqeside shéhit bolghan piyade esker sérzhant haqan gülning amasyadiki ailisidikiler bilen téléfonda körüshti.
türkiye awazi radiyosi xewiri: amasya waliy mehkimisi teripidin élan qilinghan bayanatta, adalet we tereqqiyat partiyesi izmir parlamént ezasi binali yildirimning amasiya doghantepe yézisida piyade esker sérzhant haqan gülning öyini ziyaret qilghanda jumhur reis erdoghangha téléfon qilip, ailisidikiler bilen körüshtürgenliki bildürüldi.
téléfon söhbitige alaqidar hembehirlengen kürünüshlerde erdoghanning shehidning ayali fadime gül bilen körüshüp, «allah rehmet qilsun, sewr taqet ata qilsun, shehidlirimizning perzetliri bizlerge amanettur. biz bu heqtiki mesuliyetlirimizni toluq orundaymiz inshaallah» dégenliki qeyt qilindi.
fadime gülmu alahide köngül bölgenliki üchün erdoghangha rehmet éytti.
binali yildirimning ziyaritige amasya waliysi mustapa masatli we aq partiye amasiya parlamént ezasi lewent karaxojagilmu hemrah boldi.
5 - martta binggoldin bitlisning tatwan rayonigha qarap yolgha chiqqan herbiy tik uchar ayropilan aldinqi küni hadisige uchrap, 11 esker shéhit bolghan we 2 esker yarilanghan idi.