qalin: baydin hökümiti térrorizm siyasitini özgertishi kérek

türkiye awazi radiyosi xewiri: qalin, künteripke alaqidar özgirishler heqqide élan qilghan bayanatida, türkiye – amérika qoshma ishtatliri munasiwetlirining nahayiti uzungha sozulidighanliqini tekitlep mundaq dédi: «bu tarixiy basquch mabeynide nurghun ongushsizliqlar otturigha chiqti, oxshimighan hökümetler hakimiyet béshigha chiqqanda, pat-pat munasiwetlirimiz nahayiti yaxshi we ünümlük bolghan mezgillernimu bashtin kechürduq, sürkilishlik dewrlernimu bashtin kechürduq, emma özgermigen bir ehwal bar, u bolsimu türkiyening rayondiki istiratégiyelik ehmiyitining héchqachan azaymighanliqidur.»

baydin hökümitining türkiyening istiratégiyelik ehmiyiti seweblik enqere bilen hemkarliq asasida heriket qilidighanliqini éytqan qalin, mundaq dep körsetti: «elwette özara ixtilapliq bezi mesililer bar, < F 35 > tipliq urush ayropilanlirining türkiyege sétip bérilishi, CAATSA émbargoliri, <400 – s> bashqurulidighan bomba mudapie sistémisi qatarliqlar bir yürüsh mesile süpitide otturida turmaqta, fethullahchi térrorluq teshkilatining amérika qoshma ishtatliridiki mewjudiyiti we bulargha qarshi téxiche türkiyeni qayil qilalighudek birer xizmetning ishlenmesliki, bölgünchi térrorluq teshkilati p y d/y p g ge yardem bérilishi qatarliq mesililer bizning asasliq mesile sahelirimizni teshkil qilidu.»

amérika qoshma ishtatlirining bölgünchi térrorluq teshkilati p y d/y p g ni qollishining türkiyening milliy bixeterlikige biwasite tehdit shekillendüridighan bir mesile ikenlikini eskertken qalin, mundaq dédi: «bölgünchi térrorluq teshkilati p y d/y p g mesiliside, amérika qoshma ishtatlirining xata siyasitide ching turushi, süriye kirizisige héchqandaq hel qilish charisi bolalmighinidek, ikki terep munasiwetlirimizgimu téximu köp ziyan yetküzmekte, shunga, baydin hökümiti bu siyasetni jiddiy bir shekilde özgertishi kérek.»