türkiye somalidiki özgirishlerdin endishe qiliwatqanliqini bildürdi
türkiye somalida saylam musapisigha munasiwetlik ixtilaplar seweb bolghan özgirishlerdin endishe qiliwatqanliqini élan qildi.
türkiye awazi radiyosi xewiri: türkiye tashqi ishlar ministirliqi somalidiki saylam musapisi toghrisida bayanat élan qildi. bayanatta mundaq déyildi:
«somalida yéqinqi künlerde saylam musapisigha munasiwetlik ixtilaplar seweb bolghan selbiy özgirishlerdin endishe qiliwatimiz.»
bayanatta, barliq tereplerge zorawanliqqa seweb bolidighan heriketlerdin yiraq turup, salmaqliq bilen heriket qilish chaqiriq qilindi.
bayanatta: «fédératsiye hökümiti bilen rayonluq hökümet rehberlirining bir yerge jem bolup, 2020-yili 17-séntebirde hasil qilinghan kélishim asasida hemmini öz ichige alidighan we ijabiy diyalog arqiliq ixtilaplarni hel qilishi muhim ehmiyetke ige» déyildi.
türkiyening dost we qérindash dölet somali xelqining özining kélechikini belgilesh iradisige we siyasiy jehettin yétilgenlikige bolghan ishenchi tekitlengen bayanatta: «bir ramkida, özara chüshinish hasil qilish asasida saylam musapisi mesiliside köp kéchikmestin pikir birliki hasil qilinishini ümid qilimiz» déyildi.
somalida öktichi pirézidént namzatliri xelqni pirézidént muhemmed abdullah fermajuning 2021-yili 8-féwralda wezipe ötesh mudditi toshqan bolushigha qarimay textte olturushigha qarshi namayish qilish üchün meydanlargha chaqirghan idi.
öktichiler namayishqa teyyarliniwatqan peytlerde, hökümetning wuxen wirusi (Kovid-19) gha munasiwetlik weqelerning köpiyiwatqanliqini seweb qilip, 17-féwral (2021) barliq yighin we paaliyetlerning ötküzülüshini cheklep, yirikchiliklerni téximu kücheytiwetken idi.
tünügün (2021-yili 21-féwral) paytext muqdishuda hökümet emeldarlirining aptomobillirini nishan qilghan bomba hujumida, ikki kishi jénidin ayrilip, nurghun kishi yarilanghan idi.
