erdoghan bilen ersin tatar téléfonda körüshti
türkiye jumhur reisi rejep tayyip erdoghan shimaliy qibris türk jumhuriyiti jumhur reisi ersin tatar bilen téléfonda körüshti.
türkiye awazi radiyosi xewiri: shimaliy qibris türk jumhuriyiti jumhur reis rejep tayyip erdoghan bilen ersin tatarning téléfonda körüshkenliki toghrisida bayanat élan qildi.
bayanatta bildürülishiche, jumhur reis rejep tayyip erdoghan qibris türk xelqining we ersin tatarning regaip qendilini tebrikligen.
ikki rehberning téléfon söhbitide, qibrisning nöwettiki weziyiti we wuxen wirusi(Kovid-19) , waksina mesililirining muzakire qilinghanliqi qeyt qilindi.
jumhur reis rejep tayyip erdoghan qibris türk xelqining wuxen wirusigha qarshi turushta yalghuz emeslikini, burunqidekla qolliridin kélishiche yardem qilidighanliqlirini we buningdin kéyinmu shundaq bolidighanliqini tekitlidi.
shimaliy qibris türk jumhuriyiti jumhur reisi ersin tatarmu jumhur reis rejep tayyip erdoghan we türkiye xelqining recaip qendilini tebriklidi.
u her qachan bolghinidek, bundin kéyinmu türkiye jumhuriyiti bilen yéqin we ünümlük munasiwetlerning dawamlishidighanliqini eskertip, jumhur reis rejep tayyip erdoghangha qibris türk xelqi namidin teshekkür éytti.
