türkiye erbil shehiride yüz bergen hujumni eyiblidi
türkiye iraqning erbil shehiride yüz bergen bashqurulidighan bomba hujumini qattiq eyiblidi.
türkiye awazi radiyosi xewiri: türkiye tashqi ishlar ministirliqi teripidin bu heqte élan qilinghan bayanatta, mundaq déyildi: «iraqning erbil shehiride yüz bergen we puqrawi olturaq rayonlirimu nishan qilinghan bashqurulidighan bomba hujumlirini qattiq eyibleymiz, erbil xelqige, iraq kord rayonluq hökümitige, iraq hökümitige we bizmu orun éliwatqan térrorluq teshkilati daéshqa qarshi ittipaqdash küchliri mensuplirigha teziye bildürimiz.»
bayanatta, türkiyening iraq dairilirining, hujumlarning perde arqisidiki pilanlighuchilarni téz sürette éniqlap chiqip, adalet aldida hésab élishigha ishinidighanliqi eskertilip mundaq déyildi: «bu hujumlar, iraqning tinchliqi, muqimliqi we igilik hoquqi üchün dölet térrotériyeliride héchqandaq bir térrorluq teshkilatining mewjut bolushigha yol qoymasliqning, hemde dölet organlirini keng dairilik küchlendürüshining zörürlükini yene bir qétim ispatlap berdi.»
iraqning erbil shehiride, amérika qoshma ishtatliri herbiy bazisimu jaylashqan ayrodurumgha qilinghan bashqurulidighan bomba hujumlirida bir kishi qaza qilghan, 6 kishi yarilanghanidi.
