türkiye maligha teziye bildürdi
türkiye malida yüz bergen térrorluq hujumini eyiblidi we hujumda qaza qilghanlar üchün teziye bildürdi.
türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip, malining bulkéssi we mondoro herbiy bazilirigha qilinghan 24 – yanwardiki térrorluq hujumlirida maliliq alte eskerning qaza qilishi we nurghun xewpsizlik xadimining yarilanghanliqidin qayghurush ichide xewer tépilghanliqini bildürdi.
bayanatta: «bu qebih hujumni eyibleymiz. dost we qérindash mali xelqi we hökümitige teziye bildürimiz, hayatidin ayrilghanlargha allahtin rehmet tileymiz, aile – tawabiatliri we yéqin – yoruqlirigha semimiy teselliy bérimiz» dégen ibarilerge orun bérildi.
bolkéssi we mondoro herbiy baziliri pat – patla térrorluq teshkilatlirining hujum obyékti bolup kelmekte.
2020 – yili martta mondorogha qilinghan térrorluq hujumida besh esker jénidin ayrilghanidi.
2018 – yili mezkur ikki bazigha birla waqitta qilinghan térrorluq hujumliridimu 40 esker qaza qilghanidi.