erdoghan: muqeddes wetinimizni jan tikip qoghdashni dawamlashturimiz

türkiye awazi radiyosi xewiri: erdoghan, «birinchi iinönü zepirining 100 – yilliqi» munasiwiti bilen élan qilghan bayanatida, «musteqilliq kürishining muntizim armiyening gherbiy aldinqi sépide girétsiye armiyesige qarshi kirgen tunji jéngi bolghan «birinchi inönü urushi» da qolgha keltürgen zepirining, tarixtiki parlaq muweppeqiyet örnekliridin biri ikenlikini eskertish bilen bir waqitta, «birinchi iinönü zepiri» ning «azadliq urushi» ning shanliq ghelibe bilen netijilinishiningmu xush xewerchisi ikenlikini tekitlep mundaq dédi: «ghazi mustapa kamalning <yéngi türkiye dölitining kichik, emma milliy pirinsipliq armiyesi, eng musheqqetlik sharaitta özidin 3 hesse küchlük düshmen armiyesini inönü meydan urushida yengdi> teriqisidiki sözliri bilen tonushturghan  zeper, xelqimizning égilmes - sunmas qetiy iradisi we küresh jenggiwarliqini kücheytti. eziz xelqimizning imkansizliqlar ichidimu musteqilliq yolida jan pida qilish bedilige élip barghan kürishi netijiside qolgha keltürülgen shanliq zeperlirimiz kélechikimiz üchün ilham menbesi bolushni üzlüksiz dawamlashturidu. bizmu herdaim we qandaq bolushidin  qetiynezer, muqeddes weten we shanliq bayraqni sadaqet bilen jan tikip qoghdashni izchil dawamlashturimiz. bu munasiwet bilen, ghazi mustapa kamalni öz ichige alghan <musteqilliq kürishi> ning barliq qehrimanlirini cheksiz hörmet we iptixalinish tuyghusi ichide yene bir qétim yad étimen.»