21.03.2024

türkiye awazi radiyosi: «xeber türk géziti», jumhur reis rejep tayyip erdoghanning isparda, «ijra qiliniwatqan iqtisadiy pirogrammining netijilirini yilning ikkinchi yérimidin bashlap körüshni bashlaymiz. omumiy iqtisadiy körsetküchler nahayiti yaxshi. pul paxalliqi töwenligenséri ünümi körülidu» dégenlikini xewer qildi.

«star géziti», tashqi ishlar ministiri xaqan fidanning ispaniye tashqi ishlar ministirigha, yawropa ittipaqigha eza bolushning türkiye üchün dawamliq istratégiyelik nishan ikenlikini, türkiyening yawropa ittipaqigha eza bolush musapisining bezi döletlerning aqmaydighan siyasiy küntertipige tashlap qoyushqa bolmaydighan muhim ikenlikini éytqanliqini xewer qildi.

«hörriyet géziti», rusiye tashqi ishlar ministirliqi bayanatchisi mariya zaxarowaning jumhur reis rejep tayyip erdoghandin ukraina bilen rusiye otturisida tinchliq ornitish üchün tashlighan qedemliri sewebidin minnetdar iklenlikini éytqanliqini xewer qildi.

«sabah géziti», türkiye döletlik putbol komandisining mahirliridin arda güler bilen kenan yildizning meqset (GOAL) tori élan qilghan dunydiki eng yaxshi 50 yash tizimlikide, aldinqi 10 ning ichige kirgenlikini xewer qildi.

xewerde, réal madrid komandisining ezasi arda güler beshinchi, xuwéntus komandisining ezasi kenan yildizning sekkizinchi rettin orun alghanliqi bildürüldi.