16.05.2024
bügünki türkiye gézitliride asasiy salmaqni igiligen xewerlirimiz töwendikiche:
türkiye awazi radiyosi: «‹yéngi shepeq› géziti», dölitimiz (türkiye jumhuriyiti) jumhur reisi rejep tayyip erdoghanning, tünügün adalet we tereqqiyat partiyesining türkiye büyük millet mejlisi (parlaménti) diki guruppa yighinida qilghan sözide, hamasning ghezzede anadoluning aldinqi sep liniyelirini qoghdawatqan qarshiliq körsitish herikiti ikenlikini tekitlep mundaq dégenlikini yazdi:
«héchkim <israiliye ghezzede menggü qalidu> dep xata oylap qalmisun. eger bu azghun döletni, bu térrorchi döletni <toxtap tur> démise, haman bir küni <wede qilinghan zéminlar> xam xiyalining qaymuqturushi bilen diqqitini anadolugha aghduridu. derweqe, hamas ghezzede anadoluning aldinqi sep liniyelirini qoghdawatqan qarshiliq körsitish herikitidur. siler bundaq ochuq heqiqetni körelimigüdek derijide qarighu bolup qaldinglarmu?»
«‹sabah› géziti», dölitimiz (türkiye jumhuriyiti) tashqi ishlar ministiri xaqan fidanning amérika qoshma ishtatliri diplomatiye ministiri antoni blinkén bilen téléfonda körüshkenlikini xewer qildi.
gézitning diplomatik menbelerdin neqil keltürüp xewer qilishiche, ministir fidan uchrishishta israiliyening refahqa hujum qilishini qobul qilghili bolmaydighanliqini éytqan.
«‹hörriyet› géziti», türkiye jumhuriyiti xezine we maliye ministiri mehmet shimshekning, tünügün türkiye – yawropa ittipaqi munasiwetliri heqqide bergen bayanatida mundaq dégenlikini oqurmenlirining diqqitige sundi:
«yawropa ittipaqi bilen bolghan munasiwetlirimizni janlanduruwatimiz. bu meqsette tünügün biryussélda muhim uchrishishlarni élip barduq.»
«‹sitar› géziti», xelqara kiréditni derijige ayrish orgini Fitch ning meblegh salghuchilarning ishenchisining éshishigha egiship türkiyening qerz kapital bazirining janliniwatqanliqini bildürgenlikini oqurmenliri bilen ortaqlashti.
«‹xewer türk› géziti», türkiye jumhuriyiti qatnash we ul eslihe ministiri abdulqadir uraloghluning tünügün bergen bayanatida, 2022-yili 5-ayning 14-künidin buyan rize – artwin ayrodurumidin 1 milyon 927 ming 680 yoluchining paydilanghanliqini éytqanliqini xewer qildi.
