12.03.2024

«yéngi shepeq géziti», jumhur reis rejep tayyip erdoghanning ramizanning birinchi iptarida shéhit yéqinliri we ghaziler bilen körüshkenlikini, p k k we fetullahchilar qatarliq térorluq teshkilatlirigha qarshi élip bérilghan küreshlerning milliy güllinish ikenlikini tekitlep, «türkiyeni heqiqiy menidin musteqil döletke aylandurduq» dégenlikini xewer qildi.

«weten géziti», «iraqning shimalidiki térrorluq yazda axirlishidu» serlewhilik xewiride, munu uchurlargha orun ajratti:

dölet mudapie ministiri yashar güler bu yil yazda iraq chégrasini bixeter halgha keltüridighan chembirekni tamamlap, térrorluq mesilisige xatime béridighanliqini tekitlidi.  yashar güler: «chégrimiz boyiche 30-40 kilométir chongqurluqta bir bixeterlik karidori qurushta qetiy qarargha igimiz» dédi.

«xeber türk géziti», «türkiyede ishqa orunlishish nisbiti eng yuqiri sewiyide» serlewhilik xewiride, muawin jumhur reis jewdet yilmazning ishsizliqqa alaqidar sanliq melumatlirining ottura mezgillik programma mölcheridin yaxshi netijini namayan qilghanliqini bayan qilip: «ishqa orunlishish nisbitimiz %49 bilen bügünge qeder körülgen eng yuqiri sewiyige yetti» dégenlikini xewer qildi.

«star géziti», jumhur reislik uchur – alaqe idarisi bashliqi faxrettin altunning «israiliyening tetür teshwiqatlirigha qarshi heqiqetlerni otturigha chiqirishni özimizge nisbeten muhim wezipige aylandurduq» dégenlikini hemde gherb taratqulirining eksiche anadolu xewer agéntliqi  we türkiye radiyo-téléwiziye idarisi t r t ning ghezzediki heqiqetlerni dunya jamaetchilikining kün tertipige élip kélish üchün zor tirishchanliq körsitiwatqanliqini éytqanliqini yazdi.

«höriyet géziti», «türkiyening iqtisadiy siyasiti saghlam» serlewhilik xewiride, munu uchurlargha orun ajratti:

xezine we maliye ministiri mehmet shimshek xelqara kiréditni derijilendürüsh orgini fitch <Fitch> ning türkiyening krédit derije numurini we körsetküchini yuqiri kötürgenliki üstide toxtilip: «türkiyening krédit derije numuri we körsetküchining yuqiri kötürülüshi, saghlam iqtisadiy siyasitining küchini ekis ettüridu» dédi.