05.03.2024

türkiye awazi radiyosi: «yéngi shepeq géziti», jumhur reis rejep tayyip erdoghanning kabént yighinidin kéyin, muhim bayanatlarni élan qilghanliqini xewer qildi.

xewerde, rejep tayyip erdoghanning türkiye chégrasining béshida «térroristan» qurulushigha ruxset qilmaydighanliqlirini tekitlep, «iraq tereptiki chégralirimizni bixeterlikke ige qilidighan chemberni tamamlash aldida turuwatimiz. bu  yaz (2024) iraq tereptiki chégralirimizgha munasiwetlik mesililerni hel qilghan bolimiz» dégenliki qeyt qilindi.

«hörriyet géziti», dölet mudapie ministiri yashar gülerning térrorluqqa qarshi küreshning qetiy dawamlishidighanliqini éytqanliqini xewer qildi.

xewerde, yashar gülerning, «térrorluq teshkilatining heriket iqtidarini pütünley yoq qilish üchün közimiz körmigen, putimiz dessimigen jay qalmaydu» dégenliki bildürüldi.

 «star géziti», baykar shirkiti bash mudiri xaluq bayraktarning «TB2» uchqulirining albaniye armiyesige seplep bérilgenlikini bildürüp, «buning bilen, albaniye armiyesining terkibige tunji qétim nato ölchimide bir hawa apparati qétilghan boldi» dégenliki eskertildi.

«xeber türk géziti», bu yil (2024) yazliq dem élish üchün gérmaniyelikler eng köp aldin tizimlatqan 10 dölet arisida, türkiyening ispaniyeni arqida qaldurup birinchi orungha ötkenlikini xewer qildi.